ჩვენი ამბავი
ჩვენი ისტორია 5 წლის წინ, 2021 წლის 12 იანვარს დაიწყო. ქუთაისელ-რაჭველი პრინცესა და სამეგრელოს პრინცი სრულიად სპონტანურ მოგზაურობაში ერთმანეთს შევხვდით. ერთი შეხედვით უბრალო შეხვედრა მალე განსაკუთრებულ მეგობრობად გადაიქცა, მეგობრობა კი დიდ სიყვარულად.
ამბობენ, რომ ზოგჯერ ყველაზე მნიშვნელოვანი ამბები ყველაზე მოულოდნელად იწყება. ჩვენთანაც ასე მოხდა. ერთი პატარა სტიჩის ვიდეობუქით ნათქვამმა ყველაზე „ტკბილმა ძილმა” ჩვენი ცხოვრება სამუდამოდ შეცვალა.
მომენტები
დეტალები
ფოტოსესია
ისტორიული არქიტექტურა, საუკუნოვანი ბაღები და კახეთის განსაკუთრებული ატმოსფერო. ადგილი, სადაც ჩვენი დღის პირველ საერთო კადრებს გადავიღებთ.
ცერემონია
ჩვენი ყველაზე მნიშვნელოვანი „კი“ ყვარლის მთებში, „მეღვინეობა ჩუბინის“ განსაკუთრებულ გარემოში გაჟღერდება. ბედნიერები ვიქნებით, თუ ამ ემოციურ და დაუვიწყარ წუთს ჩვენთან ერთად გაიზიარებთ.
ლოკაცია
ვენახებით გარშემორტყმული სივრცე, ყვარლის მთების ულამაზესი პეიზაჟი და კახური ბუნების სიმშვიდე. გარემო, სადაც ჩვენი ქორწილი გაიმართება. გაიგე როგორ მოხვდე
დღის წესრიგი
ქვემოთ მოცემული განრიგი საინფორმაციოა და შეგიძლიათ ნებისმიერ ეტაპზე შემოგვიერთდეთ. თუ წინანდალში ვერ მოახერხებთ მოსვლას, გელოდებით პირდაპირ მეღვინეობა ჩუბინში ცერემონიასა და საღამოს ღონისძიებაზე.
მსურველები შევიკრიბებით განსაზღვრულ ლოკაციაზე და ერთად გავემართებით წინანდლის მამულისკენ.
წინანდლის მამულის ულამაზეს გარემოში გაიმართება ჩვენი ფოტოსესია.
მეღვინეობა ჩუბინში სტუმრებს დავხვდებით მისასალმებელი სასმელებით და სასიამოვნო გარემოთი, ფოტოების გადასაღებად და საღამოს მშვიდად დასაწყებად.
ოჯახისა და მეგობრების გარემოცვაში ერთმანეთს ჩვენს „კის“ ვეტყვით და ცხოვრების ახალ ფურცელს გადავშლით.
საღამო გაგრძელდება ქართული ტრადიციული კერძებით, საყვარელი მუსიკით, ბევრი ცეკვით, სახალისო აქტივობებითა და ბედნიერი მოგონებებით.
თითოეულ სტუმარს გავუგზავნეთ მოწვევა უნიკალური ბმულით. გთხოვთ, გახსნათ თქვენი მოსაწვევი და დაგვიდასტუროთ დასწრება.
ბმული ვერ იპოვეთ? მოგვწერეთ და ხელახლა გამოგიგზავნით.
სასარგებლო ინფორმაცია
